Тұрақты қаржылық жағдайды қамтамасыз ету бізге акционер үшін дивидендтер, салықтар және мемлекет пайдасына басқа да бөлулер түрінде төлейтін кірістер жасауға мүмкіндік береді. Сондай-ақ, бұл бізге әрдайым пайда әкеле бермейтін, бірақ халық үшін және экономика объектілерінің жұмыс істеуі үшін өте маңызды әлеуметтік мәні бар инфрақұрылым мен сервистердің маңызды объектілерін салуға және дамытуға инвестиция салуға мүмкіндік береді. GRI 3-3

Біз орта және ұзақ мерзімді келешекте экономиканың өсуін қамтамасыз ететін инвестициялық жобалардың қомақты қоржынын іске асырудамыз. Бұл жобалар елдің өсіп келе жатқан қажеттіліктері үшін маңызды инфрақұрылымды дамытуға бағытталған және жұмыс орындарын қамтамасыз етіп, азаматтардың әлеуметтік қорғалуын арттырып, негізгі әлеуметтік сервистер мен мүмкіндіктерге кепілдендірілген қолжетімділікті қамтамасыз ете отыра айтарлықтай әлеуметтік нәтижеге қол жеткізеді.

Қор шетелдік әріптестермен бірлесіп жобаларға бірлесіп инвестициялай отырып және ұлттық компаниялардың акцияларын қор нарығына орналастыру арқылы одан әрі дамытуға қосымша қаражат тарта отырып, елге инвестициялар тартуда шешуші рөл атқарады. Инвестициялар ел үшін маңызды бастамаларды қаржыландыруды қамтамасыз етіп қана қоймай, жаңа білім мен технологияларды тартуға да көмектеседі. Ал жергілікті қор нарығының дамуы халықтың экономикаға қатысуын кеңейтеді.