Біздің өндірістік қызметіміздің ауқымдылығына байланысты біз үшін табиғи ресурстарды жауапкершілікпен тұтынудың және қоршаған ортаға әсерді тиімді басқаруды қамтамасыз етудің маңызы зор. Біздің стратегиямызға сәйкес біз ESG қағидаттарын сақтауға және биологиялық және физикалық табиғи жүйелерге тигізетін әсерді болдырмауға, шектеулі ресурстарды тиімді пайдалануға, көміртегі ізін азайтуға, экологиялық таза, энергия және материалды үнемдейтін технологияларды енгізуге, кологиялық таза өнімдерді әзірлеуге және өндіруге, сондай-ақ қалдықтарды барынша азайтып қайта өңдеуге ұмтыламыз.

Жаңа жобалар мен объектілерді іске қоспас бұрын міндетті түрде біз жоспарланған қызмет және оның ықтимал әсері туралы жұртшылықты хабардар етуге бағытталған қоршаған ортаға әсерді бағалау (ҚОӘБ) шеңберінде іс-шаралар кешенін жүргіземіз. Халықты жоспарланған іс-шаралармен таныстыру мақсатында материалдар жергілікті билік органдарының веб-сайттарында және БАҚ-та орналастырылады. GRI 413-1

2023 жылдағы экологиялық талаптарды сақтау саласындағы біздің қызметіміз:

• ҚОӘБ және қоғамдық тыңдаулар өткізу;
• шығарындылар, төгінділер, қалдықтарды орналастыру нормативтерін әзірлеу және бекіту және эмиссияларға рұқсат алу;
• жоғарыда көрсетілген құжаттарда бекітілген нормаларды қатаң сақтау;
• ластаушы заттар эмиссияларының мониторингінің автоматтандырылған жүйелерін белгілеуге қатысты Қазақстан Республикасы Экологиялық кодексінің талаптарын орындау;
• ЕОҚТ бойынша жеке анықтамалықтарды әзірлеу бойынша техникалық жұмыс топтарының жұмысына белсенді қатысу.

Қоржындық компаниялар қоршаған ортаға әсерді төмендету жаңа, тиімдірек технологияларды енгізуге инвестицияларын көбейтті.

Эмиссиялар үшін төлемдерді есептемегенде қоршаған ортаны қорғауға арналған шығыстар*, млрд теңге